Платформата за истражувачко новинарство и анализи – ПИНА објавува повик за учесници во Програма за мобилно новинарство која е дел од нашиот проект – „Преку мобилно новинарство до зголемување на медиумската писменост“.
Целта на проектот е да ја подобри медиумската писменост и да создаде капацитети кај младите новинари и студентите по новинарство во областа на мобилното новинарство и преку менторство да продуцира стории од области важни за нашето општество, во форма на видеа. За таа цел пожелно е пријавените кандидати да ги исполнуваат следните услови:
- Да се студенти по новинарство или активни млади новинари.
- Да имаат интерес за учење и напредок во сферата на медиумите и новинарството
- Да имаат интерес за мобилно новинарство и нови дигитални алатки.
- Да се стремат да работат според највисоки етички и професионални новинарски стандарди.
- Да се креативни и посветени во работата и создавањето на финалните продукти од проектот.
Добредојдени се и кандидати кои немаат новинарско искуство но сакаат да научат мобилно новинарство и нивните апликации исто така ќе бидат разгледани.
Кандидатите освен што преку обука ќе имаат шанса да учат од странски експерт за мобилно новинарство, ќе бидат вклучени и во практична работа под менторство на домашни искусни новинари и експерти. Обуката за мобилно новинарство ќе се одржи од 25-ти до 29-ти септември, по што ќе следува менторски процес од неколку месеци. Од избраните кандидати се очекува да бидат посветени и вклучени во процесот на изработка на крајните видео продукти под водство на менторите и тимот на ПИНА.
Ќе бидат контактирани само оние апликанти кои ќе бидат селектирани. Повикот е отворен до 19-ти септември до 15:00 часот, апликации пристигнати по овој датум нема да бидат земени предвид.
Заинтересирани кандидати своето CV и контакти може да ги достават на info@pina.mk со назнака „За учество во Програмата за мобилно новинарство“.
Проектот се реализира со поддршка од грант-програмата на проектот „Медиумите за граѓаните – граѓаните за медиумите“, финансиран од Европската Унија.
