Собрание на ПИНА:
Кристина Озимец е претседателка на ПИНА и еден од основачите на организацијата, како и главен координатор на Медиумски Фестивал Скопје, неколкудневен медиумски настан во организација на ПИНА. Таа има долгогодишно искуство во новинарството со фокус на истражувачкото новинарство во различни области како политика, корупција, владеење на право, човекови права, граѓанско општество, образование итн. Има добиено неколку награди за нејзините истражувачки стории. Во последните неколку години е и главен координатор и ментор на две програми во ПИНА – Програмата за жени новинари и Програмата за менторска поддршка на млади новинари. Озимец има дипломирано новинарство на Правниот факултет во Скопје и е на магистерски студии за менаџмент на стратешки комуникации на Институтот за комуникациски студии.
Марина Лазаревска е една од основачите на ПИНА и фестивалски координатор на Медиумски Фестивал Скопје кој го организира ПИНА. Таа е новинарка специјализирана за култура и филм и дипломира на студиите по новинарство. Сега работи за три различни компании, помагајќи во стратегиитe за односи со јавноста, креирање дневни содржини за фестивалски настани и организирање конференции. Дописник е на Filmneweurope.com за Македонија.
Златица Петковска од Скопје е една од основачите на ПИНА и асистент на Медиумски Фестивал Скопје. Таа е фриленсер со новинарско искуство во неколку македонски медиуми.
Ивана Митровска е дипломиран новинар со десетгодишно телевизиско искуство како репортер и презентер на вести. Има учествувано на бројни семинари од областа на новинарството. Била претставник од земјава на обука во школата за електронски медиуми во Потстдам и волонтер во македонската редакција на Дојче Веле во Бон. Митровска е дел од Платформата за истражувачко новинарство и анализи – ПИНА.
Васко Торков е софтверски инженер и еден од основачите на ПИНА. Тој е одговорен за функционирањето на целата IT инфраструктура на ПИНА, вклучувајќи ги и веб сајтовите на ПИНА и ИФФС.
Тим на pina.mk:
Уредничка и менторка: Кристина Озимец
Заменик уредник и ментор на Програма за млади новинари со фокус на добро владеење: Силвана Жежова
Заменик уредник на Програма за млади новинари со фокус на човекови права: Мартин Колоски
Петре Димитров – новинар
Кико Трајчов – новинар, учесник во Програма за млади новинари
Маја Терзиова – новинарка, учесничка во Програма за млади новинари
Даниел Василев – новинар, учесник во Програма за млади новинари
На pina.mk со медиумски содржини придонесуваат и учесниците во Програмата за жени новинарки, како и од Програмата за мобилно новинарство и Програмата за менторска поддршка на млади новинари на ПИНА.
ПИНА е отворена за соработка со сите заинтересирани новинари на домашната медиумска сцена.
