ИФФС

ПИНА како еден од своите главни продукти во ноември 2017 го лансираше Истражувачкиот филмски фестивал – Скопје (ИФФС), неколкудневен настан кој за прв пат се одржа во Македонија. Програмата на фестивалот беше поделена во два сегменти, со филмови посветени на истражувачкото новинарство и други медиумски трендови, како и бројни дебати и говорници од Македонија, регионот, Европа и пошироко кои ќе се фокусираат на разни актуелни теми од областа на новинарството и медиумите. Програмата која беше застапена на ИФФС 2017-та може да се погледне на веб сајтот на фестивалот www.iffs.mk.

Посетителите на настанот можеа да изберат да погледнат филмски проекции, панел дискусии, работилници и разговори фокусирани на влијанието на истражувачкото новинарство, но и на други прашања и предизвици во медиумскиот свет.

ИФФС е исто така настан каде, новинарите, филмските и медиумските професионалци и други ентузијасти од регионот и пошироко, можат да се поврзат и да развијат идни приказни и филмови. Фестивалот исто така се стреми да ја едуцира и информира публиката за новите трендови на светската медиумска сцена.

Во продолжение може да ги погледнете фотографиите од Ден 1, Ден 2 и Ден 3 од Истражувачкиот филмски фестивал – Скопје кој се одржа од 3-ти до 5-ти ноември 2017 година. Сите слики се достапни во галеријата поставена на веб сајтот на фестивалот www.iffs.mk.