Повик за ментори (новинари)

0
97

Платформата за истражувачко новинарство и анализи – ПИНА објавува повик за ментори (новинари) кои ќе бидат дел од проектот „Жени новинарки за посилно граѓанско општество“.

Целта на проектот е да ги зајакне капацитетите на жените новинарки од областа на мобилното новинарство и мултимедијалните вештини. За таа цел се бара пријавените кандидати да ги исполнуваат следните услови:

  • Да имаат најмалку 5 години искуство како активни новинари
  • Да имаат значајно искуство од областа на мобилното новинарство и мултимедијалното новинарство.
  • Да имаат познавање и практични вештини од работа со видео материјали и монтирање
  • Да работат по највисоки етички и новинарски стандарди
  • Да се креативни и посветени во работата и создавањето на финалните продукти од проектот.

За предност исто така ќе се сметаат претходни искуства како менторства и предавања со млади и студенти.

Менторите се бараат за хонорарен ангажман во временски период од три месеци, во кои ќе работат на обучување и менторство за изработка на конкретни медиумски производи заедно со учесниците во програмата креирана за целите на проектот.

Ќе бидат контактирани само оние апликанти кои ќе бидат селектирани. Повикот е отворен до 22 јули 2019, апликации пристигнати по овој датум нема да бидат земени предвид.

Заинтересирани кандидати своето CV и контакти може да ги достават на info@pina.mk .

Лице за контакт за дополнителни прашања околу повикот – Ивана Крстиќ: krstikj98@yahoo.com

Проектот „Жени новинарки за посилно граѓанско општество“ е поддржан од програмата Цивика мобилитас, програма на Швајцарската агенција за развој и соработка (СДЦ) за поддршка на граѓанското општество во Македонија, која ја спроведуваат НИРАС од Данска, Македонскиот центар за меѓународна соработка (МЦМС) и ФЦГ од Шведска.